يوميات مصمم قرفان
يعنى هما كانو ناقصين سبب تانى عشان اكرهم اكتر
يعنى اقعد 4 ايام بصمم استايل جديد وبعد ما اتعب فيه ده كله يحصل كده
عامل اللى اوت 3 عواميد 2 سايد بار وبعد التعب والسهر فى الاخر اوريه لواحد صاحبى المهم صاحبى دهبيعمل بمبدأ الحاجة اللى جاية مع الجهاز هى الاحسن الناس اللى عملوها بيفهموا اكتر منا (بيستخدم الاكسبلورير )يقولى انه بايظ
الموضوع ده خلانى اشك فصطبت ie4linux والمفاجأة مكنتش على البال التصميم التلت عواميد بقى عامودين والااتنين سايد بار فوق بعض البلوك اللى فى النص بقى مفلطح والفوتر واخد عرض الشاشة كله
طب انا عاوز افهم ازاى ان كان الفوتر جوه البلوك اللى فى النص ازاى خارج بره حدوده مش فاهم ده طبعا غير الكورنر الشفافة اللى مبقتش شفافة
يعنى ليه احنا نعانى عشان مايكرسوفت مش عاوزة تلتزم بالمقايس
تعليقات »
أضف تعليق
-
الأرشيف
- اغسطس 2008 (3)
- يوليو 2008 (3)
- يونيو 2008 (5)
- مايو 2008 (5)
- أبريل 2008 (5)
- مارس 2008 (7)
-
التصنيفات
-
RSS
مدخلات RSS
التعليقات بشكل آر إس إس
أولا السلام عليكم ..
ثانيا .. أضحكتني كتير أخي المصمم
فأنا مثلك أرى العجب عند تصميم صفحة وأعرضها فى الانترنت اكسبلورير، لكن لا تيأس فمع الوقت ستعتاد أن تجعل تصميمك متوافق مع الاثنين، أو ان تنضم الى جمعية مكافحي الاكسبلورير وتعرض رسالة تخبر فيها زوار الموقع انه لا يمكن عرضه باستعمال الاكسبلورير
ثم ليت الأمر يتوقف عند الفرق بين الفيرفوكس والاكسبلورير فقط
فى آخر مشاريعي أصبحت أعرض التصميم على أربعة متصفحات
الاكسبلورير والفيرفوكس بالاضافة الى الأوبرا و سفاري
من الآخر .. شاب شعر راسي
Comment بواسطة عمرو فهمي | يونيو 29, 2008 |
اول حاجة كويس انك بتعمل حاجة وبتتعب فيها ومش مهم تستفيد بيها دالوقتي بس حلو تجرب وتشوف وهيجي يوم هتتميز عن الي خد حاجة علي الجاهز غير كدا اختلافك مع الناس في الاستخدمات في المتصفحات بيخليك مش قادر تربط بينك وبينهم ومش قادر تحدد عيوبك
ان الله لا يضيع اجر من احسن عملا
Comment بواسطة أحمد منصور | يونيو 29, 2008 |
الكثير من المصممين ومنسقين المواقع يشاركوك، القرف حالة عامة رائجة هذه الأيام : )
أكثر المشاكل تظهر مع النسخة IE6، عن النسخة اللي بعدها IE7 فالأخيرة هذه أكثر دعماً للمعايير القياسية وأفضل في عرض الموقع. وكل مايطلبة منسقي المواقع من المستخدمين هو التخلي عن النسخة الأقدم والتحديث فقط.. حتى نستطيع تصميم مواقع قياسية.
من أيام وضعت أستفتاء في أحد المنتديات والسؤال كان هل مازلت تهتم بتناسق موقعك على IE6؟.. والنسبة الأكبر قالت “نعم” ولكن الغريب أنهم قالوا أنهم معترفين أن المتصفح هو الأسوأ في دعم المعايير القياسية والكثير تمنى أن لا يوجد شيئ أسمه IE وفي نفس الوقت قالوا أن سبب الإختيار لأن أكثر المستخدمين والزوار يعتمدوا عليه، وممكن أن يخسروهم بعدم دعمه !! يعنى ماشيين بمبدأ الجمهور عاوز كده..
والمسألة ليست تعود كما قال “عمرو فهمي” في الرد السابق ولكن مشاكل كثيرة لا تنتهي ( تقدر تقوللي كيف تدعم الصور الشفاقة، أو القوائم المنسدلة css، أو الاعتماد على خواص التموضع عن تخطيط الموقع الخ…. ) خد عندك الكثير من طرق التحايل حتى يتفضل المتصفح التعيس بعرضها بشكل سليم وغالبا لا يحدث.
بما أنك تنسق مواقع كل المطلوب منك هو توعيه المستخدمين فقط، أنضم الى حملات مكافحة متصفح IE6 والحث على ضرورة التحديث، وأنت في عملك قلل دعمك لهذا المتصفح حتى ينقرض هو وطريقته التى عفى عليها الزمن.
Comment بواسطة ca2oom | يونيو 30, 2008 |
اخى عمرو فهمي
هى المشكلة فى الاكسبلورير بس لانى متاكد انه شغال على السفارى لانه بيعتمد على نفس المحرك الخاص ببرنامج konqueror والاويرا مشغله تمام والفاير فوكس يعنى شغال مع كل الناس زى الفل ويجى مع الاكسبلورير يعمل كده تفتكر مش حاجة تغيظ والمهم انى مش عامل حاجات مستحيله يعنى التصميم ابسط ما يمكن تقريبا اول تصميم اعمله بالكامل باستخدام السى اس اس
وسلامة شعر راسك
Comment بواسطة ahmad abo bakr | يونيو 30, 2008 |
يا احمد معاك حق فى موضوع اكبر فايدة فيه انى بتعلم
بس ده ميمنعش انهم يشتغلوا بالمعاير زى بقية الناس عشان ميقرفوناش احنا
ده متصفح عفا عليه الزمن
Comment بواسطة ahmad abo bakr | يونيو 30, 2008 |
الاخ ca2oom
الحمد لله مطلعتش لوحدى
انا نفسى مدعموش واللى يشوفه يشوفه واللى ميشفوش يغير المتصفح ويريحنى بس المشكلة ان اغلب الناس دى فاهمين انه احسن متصفح فى العالم ومهما عملت مش هتقدر تقنعهم بعكس كده
هما لو يعرفوا التعب اللى بنتعبه عشان نخلى الموقع يشتغل على الاكسبلورير
انا جبت كتاب بيتكلم عن الهاكات اللى بتعملها للاكسبلورير عشان تخليه يعرض الموقع بتاعك صح
ودلوقتى بس عرفت المصممين دول بيتعبوا اد ايه
Comment بواسطة ahmad abo bakr | يونيو 30, 2008 |
Fuck You All
Microsoft team
Comment بواسطة dfgdf | اغسطس 2, 2008 |