مفتوح

أفتح دماغك

يوبونتو رايح جاى

خلاص بعد 15 يوم بعد عن اليوبونتو واستخدام جينتوو رجعت لليوبونتو تانى وحشنى اللون البنى وكم  البرامج الجاهزة  و ان المشاكل اللى بتواجهك مجرد بحث فى جوجل 99% بتلاقى الحل

هو طبعا انا اتعلمت حاجات كتيرة فى الجينتوو كان لا يمكن اتعلمها مع يوبونتو او فيدورا بس بعد مظبتوا زى منا عاوز مبقاش فى اى حاجة اعملها

فعلا  اللى يشرب من سهولة يوبونتو لازم يرجعله تانى

والحمد لله خلصت الامتحانات على خير “من النهاردة مفيش امتحانات انا الامتحانات انا الامتحانات“

يعنى تقريبا بقيت شبه متفرغ للموقع لغاية يوم 24 الشهر ده على الاقل

يونيو 13, 2008 - كتبت بواسطة احمد ابو بكر | انظمة تشغيل, كلام | , , , | تعليقات

تعليقات »

  1. تعرف المشكلة انى ساعات بشوف التدوينات من تحت لفوق :D

    اديك رجعت للاوبنتو تانى

    بس كده انا شلت فكرة الاصرار عنك :D :P

    لية سبتت الجنتو
    طيب لما قررت تسيبها كنت روح لسلاكس او اى توزيعة جديدة تانية

    بس كل مرة هترجع للاوبنتو كده غلط :D

    فية ناس كتير اللى هما دكاترة اللبنكس والناس اللى بتجرة الgui
    قالت ان الاوبنتو دة هيوقع مستوى اللينكس فى العالم لانة بقى اسهل من الويندوز :D
    بس انا معارضهم

    لان الاوبنتو خلى ناس كتييييييييييييييييير جدا اللى كان نفسهم يجربوا اللينكس وخايفين خلاهم دلوقت يدخلوا عالم اللبنكس والاوبن سورس بقلب جامد

    ومن ناحية تانية قتل جزء من الابداع والتجربة والبحث والتطوير
    لان كل حاجة ادامك لية تتعب :d

    فاللى عايز يطور نفسة فى اللينكس نفسة مش الاوبنتو :D يبدا اوبنتو ويعرف اية هو اللينكس ويتعرف علية عن طريق الاوبنتو وبعدين يدخل المرحلة التانية

    ودة شئ جميل وفى صف الابونتو
    انة بقى المدخل الاول لاى واحد عايز يجرب لينكس

    وربنا يوفقك ويوفق الجميع :D

    Comment بواسطة M7MoD | يونيو 24, 2008 | رد

  2. انا مش عارف اليوبونتو دى فيها ايه بجد فيها حاجة بتشدك
    حتى يوم ما جبت فى بى اس جبته يوبونتو
    كل مرة بسيبها لازم ارجعلها تانى بالرغم انى بكره الجنوم بس برضه بحب اليبوبنتو (انا عارف انى ممكن احط حاجة غير الجنوم بس برضهلازق معايا بشكله ده)
    ناوى اجرب السولاريس اليومين دول بس متأكد انى هرجع لليوبونتو تانى

    على فكرة البلوج بتاعك جامد
    وربنا يوفقك

    Comment بواسطة ahmad abo bakr | يونيو 24, 2008 | رد

  3. ازيك يا ابو حميد

    فعلا الاوبنتو فيها حاجة تشد

    بس لية بتكرة الجنوم
    انا عن نفسى بعشقها
    ال kde خنييييييييقة بكرهها جدا ودة سبب عدم استخدامى لاوبن سوس مع انى نفسى اجربها

    وشكرا جدا لرايك فى مدونتى

    Comment بواسطة M7MoD | يونيو 27, 2008 | رد

  4. انا التوزيعة الوحيدة اللى بستخدم فيها الجنوم هى اليوبونتو
    لكن فى الباقى kde يمكن عشان هى اول حاجة استخدمها ويمكن عشان الجنوم فى التوزيعات التانية تحس انو خنيق
    وفضلت معاها فترة وكمان البرامج بتاعتها اجمد بكتير يعنى بالنسبة لى مفيش موسيقى من غيرamarok
    هو اه ممكن اشغل برامج kde فى الجنوم بس بحس انها مش ماشية مع الشكل

    ممكن تستخدم نسخة الجنوم بتاعت الاوبن سوزى
    وفى النهاية “لولا اختلاف الاذواق لبارت السلع”

    Comment بواسطة ahmad abo bakr | يونيو 27, 2008 | رد


أضف تعليق

« الصفحة السابقة | التالي »